• الموقع الرسمي لشركة أدفرتيزر للتسويق الإلكتروني
اعلانات اليوتيوب

يوتيوب هو ثاني أكبر محرك بحث بعد جوجل وفيه اكتر من 1.9 مليار مستخدم 50 مليون منهم صناع محتوى وبالتالي بيحتاجوا لعمل اعلانات اليوتيوب.

في اليوتيوب في مثلث مهم جدا ويتكون من 3 رؤوس

 1- صانعي المحتوى

وهم الناس اللي بتعمل محتوى الناس تحب تتفرج عليه سواء كان تعليمي أو ترفيهي ومقابل تشغيل اعلانات اليوتيوب على فيديوهاتهم بمقابل مادي.

2- المعلنين

ودول اللي بيدفعوا مقابل مادي في مقابل أنهم يشغلوا الإعلانات على فيديوهات صانعي المحتوى للجمهور اللي له علاقة بمجال الإعلان .

3- الجمهور

المشاهدين اللي بيدخلوا يبحثوا على يوتيوب عن فيديوهات بيحبوا يتفرجوا عليها.

اعلانات اليوتيوب

أنواع إعلانات اليوتيوب

فيه انواع اعلانات فيديو جوه داخل فيديو اليوتيوب و أنواع تانية صور أو كلام خارج الفيديو

1- إعلانات تقدر تتخطاها Skippable video ads

youtube Skippable video ads

من الاعلانات القوية التي تبدأ في أول الفيديو بتوصل لقطاع عريض من الناس ويكون فيها call-to-action ومخاطرها قليلة وبتدفع للإعلان لما المشاهد يخلص 30 ثانية من الإعلان أو الإعلان كله أو لما ياخد خطوة عن طريق الضغط على الإعلان اللي يدخله على المنتج مباشرة.

من ضمن الإعلانات اللي تقدر تتخطاها هيا الإعلانات اللي بتظهر في نص الفيديو زي الإعلان عن الأبليكشن أو الألعاب.

2- إعلانات متقدرش تتخطاها Non-skippable video ads

youtube Non-skippable video ads

دي إعلانات بتضايق المشاهدين بطريقة أو بأخرى لأنه مينفعش يعدي الإعلان لازم يسيبه شغال لحد ما يخلص وفي نوعين:

نوع بيكون أول الفيديو

نوع بيكون فى نص الفيديو تقريباً

لو قادر تخلي قصة منتجكك واضحة ودقيقة وتاخد المشاهد للهدف بتاعك ومتبقاش طويلة يبقى اعمل اعلان غير قابل للتخطي، وحتى لو حد مش مهتم بالمنتج بتاعك وأنت عامل قصة كويسة تشد انتباهه.

3- إعلانات موفرة Bumper ads

إعلان لمدة 6 ثواني في الأغلب يكون في نهاية الفيديو عشان ميضايقش المشاهد وبيكون غير قابل للتخطي.

4- اعلانات صور display ads

ودي الإعلانات التي تظهر على الجانب الآخر من الفيديو وغالبا بتظهر على جهاز الكمبيوتر فقط.

5- إعلان Overlay ads

يظهر في الفيديو نفسه يمثل 20% من أسفل الفيديو كصورة وبرضه بيظهر في أجهزة الكمبيوتر فقط.

youtube Overlay adsoverlay ads

6- Sponsored cards

تظهر بطاقات إعلانية أعلى الفيديو لمدة ثواني معدودة.

طريقة عمل إعلانات اليوتيوب

اضغط على الحملات من شريط الأدوات الرئيسي

اضغط حملة جديدة

اختار الفيديو كاختيار للحملة

حدد هدف الحملة

حدد اسم حملتك

ميزانية الحملة بتاعتك

حدد المكان اللي عايز يظهر فيه الإعلان

تحديد لغة الجمهور اللي انت مستهدفه

حدد اسم مجموعتك الإعلانية

إزاي تتارجت الجمهور بتاعك على يوتيوب عن طريق الإعلانات

ممكن عن طريق تحديد العمر والحالة الاجتماعية، الهوية، الدخل.

عن طريق الاهتمامات الشخصية.

شركات تعلن على التلفزيون وبعدين عايزة تعلن على الإنترنت فتبدأ تتارجت عن طريق الاهتمامات المشتركة.

تتارجت الناس عن طريق اهتمام مشترك وبيبحثوا عليه بشكل متكر.

تتارجتهم عن طريق أحداث مهمة في حياتهم أو مناسبات ومحتاجين المنتجات دي في مناسباتهم.

الناس تبحث عن منتج بشكل متكرر عن طريق تاريخ البحث.

ممكن تستهدف ناس اتفرجت على فيديوهاتك سابقاً والمنتج متعلق بنفس الموضوع اللي بيتكلم عن الفيديو.

أفضل 8 نصائح لعمل اعلانات اليوتيوب

اجذب المشاهد لمنتجاتك

ضع منتجك خلال محتواك المتنوع على يوتيوب، 80% من الناس اللي بتشتري بيتفرجوا على فيديوهات عشان يدوروا على المنتجات اللي عايزين يشتروها وعشان كدا اعمل قصة للمنتج بتاعك واعرضه بطريقة كويسة جوا المحتوى.

ساعد الفيديو يظهر بسرعة

اعمل عنوان كويس يكون في الهدف، لو العنوان ملهوش علاقة باللي بيبحث بيه المشاهد مش هيتفرج عليه أصلا، كمان خلي الصورة المصغرة مبينة حتة معينة في الفيديو بتاعك أو الجزء اللي عايز تظهره بحيث يبقى أنت كدا بتساعد على ظهور الفيديو بشكل أسرع.

زرار الإنضمام لقناتك على اليوتيوب

في عام 2018 يوتيوب زودت لقنوات اليوتيوبرز خاصية  الإنضمام للمشاهدين بتخليهم يستمتعوا بمحتوى ومميزات خاصة بيهم مقابل رسوم شهرية، بيسهل لصاحب القناة أنه يكافئ المتابعين بتوعه، طبقا لقوانين اليوتيوب 2019 أنت محتاج 30.000 متابع عشان تعرف تضيف الخاصية دي لقناتك بحيث تخلي المتابعين يدفعوا رسوم شهرية ويبقوا ليهم ميزات خاصة بيهم.

نظم فيديوهاتك في قوائم تشغيل

حط كل الفيديوهات اللى ليها علاقه ببعض في قائمة تشغيل واحدة، وده يساعد المشاهد أكثر ويسهل عليه من خلال قوائم التشغيل عندك يشوف القائمة اللي تعجبه أكثر بحيث يبقى الموضوع مرتب وموجه أكتر ودا هيساعدك تعرض منتجك.

انشر محتوى مستمر ومنظم

انشر المحتوى بتاعك بشكل يكون مجدول يعني مثلا بتنشر فيديو كل أسبوع وتحدد يوم، و دا أفضل بحيث المتابع يبقى مستني اليوم اللي هتنزل فيه فيديو.

تميز عن المنافسين

من الطرق التي تميز بعض قنوات اليوتيوب المشاركة مع يوتيوبرز بحيث تجيب عدد جديد من المتابعين وتعرفهم بالقناة والبيزنس اللي أنت بتعمله.

متخليش الفيديو قصير

في دراسة أثبتت أن يوتيوب بيظهر الفيديو الطويل في النتائج الأولى، ودا ناتج عن حب المتابعين للفيديوهات الطويلة.

سهل للمشاهد فكرة الـ call-to-action

بحيث يبقى للمشاهد الفرصة في أنه يشترك أو يسجل ودي خطة تساعد اليوتيوبر أنه يفتح حوار مع المشاهد وبناءاً على هذا الإتصال يقدر يعرض منتجات على قناته.

للمزيد اتواصل معانا واعرف اكتر عن خدماتنا للتسويقالاكتروني

 المصدر

آراء عملائنا

تعليقات عملائنا
يقولون أننا قمنا بعمل رائع!

اتصل بنا الآن

اتصل بنا الأن واحصل علي استشارة تسويقية مجانية

ادفيرتيزر خطوتك الأولي علي طريق النجاح

#

بعض من عملائنا المميزين