التسويق على السوشيال ميديا
lمن أهم طرق التسويق حاليًا ، لكن الناس عادة بيستفذها شكل الإعلان خصوصا لو كان بيعي أوي وبيجبرك إنك تشتري بدون مقدمات حتى، طبعا دا يخلي أي مستخدم
الفيس بوك يقفل الإعلان من غير ما يعرف حتي الشركه دي بتعرض إيه
حتي لو هو في أشد احتياج للمنتج أو الخدمة اللي بتقدمها
طب تعالا نتكلم عن طريقة الإعلان اللي تخلي المستخدم يسمعك ويحب يشتري منك، وكمان عنده إحساس إنك بتساعده بالمنتج أو الخدمة اللي بتقدمها مش مصدر ازعاج
ليه.
1- عشان تنجح في التسويق على السوشيال ميديا
خلي فيه تواصل دايمًا مع العملاء , قدملهم محتوي بيضيف لهم حاجة جديده
مثلا بمنشورات تعليمية في حالة انك بتقدم خدمة كورسات ممكن تكون دايما بتجذب المهتمين بالخدمة دي
عن طريق انك تنزل معلومات قيمة وفي نفس الوقت بسيطة تخلي المتابع مهتم يعرف اكتر او انك تنزل اخر اخبار المجال اول بأول
ودا يخليك مرجع ليه قبل أى شئ، دا معناه انه هو اللى مهتم انه يتابعك
وهكذا بالنسبة لنوع البوست اللى بتنزله
ممكن يكون توعوي او تحفيزى اى بوست بيدي قيمة مضافة للمستخدم
وحاول تبعد عن نوعية المنشورات المعروفة والمتكررة ، والافضل والاكثر احترافية انك تكون ماشي على خطة للمحتوى \”content plan\”
طبعا مش هوصيك على شكل الديزاين لازم يكون بيدي انطباع جذاب عن البراند بتاعك.
2- ابتدي إلفت انتباه المتابعين للحاجه لمنتجك أو للخدمة اللى بتقدمها بطريقة تخليه فعال مقتنع انه عنده مشكلة ومحتاج للمنتج بتاعك مش بس كده
لازم تثير فضوله لدرجة انه يبقى عنده حماس يعرف هتحل مشكلته ازاي بشكل غير مباشر طبعًا
ودي طريقة افضل من انك تنزل اعلان عليه خصم 90%، من غير ما تعرّف المتابع انت بتعمل ايه أو بتعمله ليه .
بعد كده ابتدي وضحله الحلول او المساعدات اللي بتقدمها علشان تحل مشكلته او تشبع الحاجة اللي عنده .
3- كل اللي فات ما هو تأسيس وقاعدة للانطلاق
في الوقت دا تبتدي تعرض منتجك للجمهور وتنزل الـ Offers اللي تخليه في قمة السعادة انه اختارك من البداية
و تختار Call to action يحمس المشتري. وما تغفلش عن نقطة مهمة جدا
هي تسهيل عملية البيع ودا من خلال سهولة التعامل مع الـ
Landing page وسرعة تحميلها وتسهيل طرق الدفع (متخليش حاجه تعطل او تأخر العميل وهو بيشتري).
4- كنا اتكلمنا عن خطة المحتوى، خلينا نوضح دا بشكل اكبر على السوشيال ميديا
لإن التخطيط للمحتوى هو اللي هيخليك متبانش انك بتجبر العميل على الشراء، تخيل معايا المخطط دا:
الأسبوع الأول: منشورات للإعلان عن Event هتتكلم فيه عن أهمية تعليم اللغة الانجليزية
وايه الضرر العائد على اصحاب المستويات الضعيفة في اللغة
الأسبوع التاني: هتتكلم عن معاناة الطلاب في التعلم سواء اصحاب المستوى الضعيف او المتقدم والعقبات اللى بتقابلهم وأخطاء التعلم
الاسبوع التالت: تعلن عن كورس لغة انجليزية وتتكلم عن طريقة التعليم والمدرسين
الأسبوع الرابع: تعكس شكل الـ Community وتتكلم عن منتجك بشكل يخلي العميل حابب انه ينضم لـ Community.
دا شكل خطة في غاية البساطة بس بتوضحلك يعني ايه تبني قاعدة من الـ Fans وازاى تقدملهم منتجك بطريقة شيقة.
اعرف اكتر عن الخدمات اللي بنقدمها من موقعنا أدفرتيزر للتسويق الإلكتروني