ليه لازم اعلانات اليوتيوب تشد الانتباه بسرعة ؟
اعلانات اليوتيوب غنية عن التعريف
بس في شوية أرقام لازم نأخذ بالنا منها عن اليوتيوب و تأثيره في عالم الديجيتال ماركتنج .
عدد مستخدمين اليوتيوب يساوى تقريبا 25% من سكان العالم
وبالرقم دا بيحتل المركز التاني في منصات السوشيال ميديا استخداما، 90% من مستخدمين الإنترنت يستخدموا يوتيوب، المحتوي اللي بيتم رفعه على اليوتيوب بيعادل 400 دقيقة فيديو في الدقيقة
الواحدة على مستوى العالم
لذلك حوالي 1 مليار ساعة محتوى بيتم استهلاكها يوميا وده رقم أكبر من مشاهدات الفيديو على منصة زى نيتفلكس و فيسبوك، (الرقم اللى جاي هيبهرك) 70% من المحتوى دا بيتم استهلاكه عن
طريق الموبايل
ودا يخليك تعمل الفيديو بتاعك بشكل مريح لرقم المشاهدين دا.
طبعا دي أرقام ضخمة، تخلينا إحنا كمسوقين ندخل نشوف إزاى نعمل إعلان يلفت الانتباه بالطريقة الصح اللي تميز أي مسوق عن منافسينه خصوصاَ إن youtube بيدي ميزة للمستخدم إنه يوقف
الإعلان بعد 5 ثواني
تعالا نشوف إزاى نلفت نشد انتباه المستخدم لإعلانات اليوتيوب في 5 ثواني بس:
1- خلي أكتر حاجة مبهرة فى الإعلان في بدايته
علشان المستخدم يبقى عنده فضول ومتشوق انه يشوف ويعرف عن المنتج أكتر.
2-جودة المحتوى، وطبعا مش القصد جودة الفيديو تكون عاليه (لإن دا شئ مفروغ منه)
لذلك إنما القصد إنك تعمل محتوي ملفت، غريب، سريع بعيد عن المحتوي الروتيني اللى سمعناه وبنسمعه واللى الناس كلها زهقت منه، حاجة تخلي المستخدم يحس إنه عايز يسمع اكتر.
3-قدم البراند بتاعك في البداية
أدينا بنرجع تاني لأهمية أول خمس ثواني في الفيديو
اللى على الأقل لازم تدي أكبر كم من المعلومات فيهم للمستخدم حتى لو هيقفل الإعلان
علشان كده يوتيوب بيقول إنه يفضل إنك تقدم البراند بتاعك في الأول
ودا بيخلي المستخدم يتفاعل ويبقي عنده فضول يعرف أكتر عن الاعلان.
4-مش هفاجئك لو قولتلك إن 95%من المستخدمين بيشغلوا الفيديوهات على اليوتيوب بصوت عالي
بس الرقم فعلا مهم ليك إنك تعرفه علشان تستعمل صوت يحفز المستخدم أكتر.
5-أخر حاجة بأكدلك تاني ان المستخدم غالبا بيكون بيشوف اعلانك من الموبايل
لازم يكون الفيديو مناسب للمشاهدة عن طريق الموبايل.
بتمنى ليك تسويق ممتع وناجح، لو عايز تعرف اكتر تابعنا على الجروب.