• الموقع الرسمي لشركة أدفرتيزر للتسويق الإلكتروني
السوشيال ميديا

السوشيال ميديا بدأت من يوم وليلة يعني مبدأ انها ممكن تنتهي في يوم ليلة موجود

تخيل معايا لو صحيت الصبح معرفتش تفتح فيسبوك وأنت في الطريق لشغلك !! حسيتها مصيبة صح؟

ناس كتير ممكن تفرح جدًا بالمقالة دي علشان بيلوموا السوشيال ميديا على تضييع الوقت والأخلاق والحاجات دي ..

بس دا بيرجع لسوء استخدامنا ليها مش لعيوب في مبادئ المنصات المتاحة

في كام نقطة كدا هعرفك تاريخ السوشيال ميديا أصلًا كله جيه ازاي:

في سنة 1997 طلع موقع تواصل اجتماعي الأول أسمه

Six Degree سمح للمستخدمين انهم يسجلوا بياناتهم عليه ويضيفوا حسابات بعض بسهولة.

سنة 2001 Six Degree اتوقف بعد تسجيل 3.5 مليون مستخدم عليه.

ومن بعده في 2002 ظهر موقع تواصل أجتماعي جديد أسمه Friendster

وفرق جدًا عن اللي قبله في إنه أتاح للمستخدمين التعليق على صفحات أصدقائهم وكمان مكنهم من عملية بحث سهلة على حسابات المستخدمين الآخرين وإضافة للأصدقاء بطريقة بسيطة

بكل المميزات دي وصل لـ 3 مليون مستخدم مع اخر 2002.

في نفس السنة دي بردو شوفنا أهم موقع لنشر الأعمال Linked In.

من أول 2003 حصلت طفرة في السوشيال ميديا بعد اطلاق My Space وصلت بدرجو انه ينافس جوجل وياهوو

في الوقت دا علشان ضاف بس شوية صور وألوان للمستخدمين في حساباتهم

وإمكانية أضافة أغانيهم المفضلة على الحساب، وفعلًا My Space  بقي الموقع الأكثر زيارة في الولايات المتحدة لحد 2006.

من 2004 Facebook  رفع الستار زي ما بيقولوا عن أول منصة لأبداء الآراء بكل حرية على منصات التواصل

الأجتماعي وفتح مجال النقاش والتدوين لكل الناس، كل دا من السكن الداخلي لجامعة هارفرد.

Youtube جيه في 2005 وعمل فرق كبير في المحتوى المقدم على الأنترنت

وفتح المجال لكل الناس انهم ينشروا الفيديوهات بتاعتهم بكل حرية.

ومن بعده جيه Reddit غير بردو في مفهوم المحتوى على الأنترنت.

في 2006 الناس عرفت أهمية المحتوى المكتوب بس للأسف معندهمش وقت يقروا كتير بس Twitter

حل المشكلة دي بأنه سمح للمستخدمين بكتابة محتوى نصي بحد أقصى 140 كلمة بس علشان توصل فكرتك للمتابعين بمبدأ المختصر المفيد

وفعلا زاد التفاعل من تاني مع المحتوى المكتوب.

في نفس السنة دي Google أشترت Youtube بمبلغ قليل جدًا وقتها حوالي 1.65 بليون دولار

على الرغم إن Facebook لما أشترت Whatsapp  أشترته بحوالي 16 بليون دولار وخدماته لا تقارن أصلًا بخدمات Youtube.

في 2007 لعب Facebook  على البيزنس وأطلق Facebook Ads وهي منصة جديدة من نوعها للاعلانات في الوقت دا.

Twitter في نفس سنة عمل خاصية الهاشتاج والريتويت

ودا زود جدا كمية التفاعل وسهِل على المستخدمين الوصول للمعلومات اللي محتاجينها بسهولة.

زرار Like على Facebook بدأ أستخدامه من بداية سنة 2009 وعمل تفاعل كبير جدًا على الموقع في وقتها.

في 2010 كأول منصة للسوشيال ميديا متخصصة للموبايلات بس

أطلق Instagram تطبيق للآيفون لمشاركة الصور ووصل عدد مستخدمينه في آخر السنة لمليون مستخدم.

من بعده ظهر Pinterest موقع متخصص في الصور بس وصنف كأحسن 50 موقع في 2011.

من 2011 بدأ Snapchat بخصائص مختلفة تمام عن باقي المنافسين ان اللي بيتكتب وبيتشاف مره متقدرش

تظهره تاني صور أو نص.

في 2012 وصل Facebook لبليون مستخدم نشط وقدر أنه يشتري Instagram ببليون دولار أمريكي في نفس السنة.

Twitter وصل وقتها لعدد مستخدمين أقل 140 مليون مستخدم بس.

Snapchat أول من أستخدم خاصية الحالات اليومية أو stories وفعلًا شاف نجاح كبير بـ 60 مليون حالة في اليوم.

بعده بسنة Instagram جرب خاصية الحالات في 2013.

في 2016 Instagram أعلن انه وصل لـ 500 مليون مستخدم نشط.

نفس السنة Tiktok بدأ في الصين كتطبيق لمشاركة الفيديوهات الموسيقية.

ومن بعدها Tiktok سجل 1 بليون مرة لتحميل التطبيق وبقى من أكتر التطبيقات في التحميل لسنة 2018/2019.

اعرف اكتر عن خدمات التسويق الالكتروني لشركة أدفرتيزر

تابعنا على جروب سوشيال ميديا ناو على فيس بوك

كتب بواسطة: محمد أسامة

آراء عملائنا

تعليقات عملائنا
يقولون أننا قمنا بعمل رائع!

اتصل بنا الآن

اتصل بنا الأن واحصل علي استشارة تسويقية مجانية

ادفيرتيزر خطوتك الأولي علي طريق النجاح

#

بعض من عملائنا المميزين