اصنع لنفسك علامة تجارية مميزة اهم حاجات لازم تعملهم

اصنع لنفسك علامة تجارية

المنافسة زادت مؤخراَ في كل المجالات، وبزيادة وعي الشركات بالتسويق الالكتروني ازدادت المنافسة صعوبة خصوصاَ على السوشيال ميديا

 لذلك دة سبب كافي يخلي كل فرد من أصحاب الأعمال يبحث كتير إزاى يتميز بالبراند بتاعه عن غيره اللي يخلي العميل مش بس يتكلم عن البراند كمان يخليه صاحب ولاء و أداة تسويقية للبراند

أقوي من اي اداة تسويق الكتروني

في المقال ده هنتكلم باختصار عن 9 طرق تخليك صاحب براند مميز.

1- الشفافية :

 

مفيش براند بيسمَّع مع الناس إلا لو كان واضح في نواياه وبظهر المصداقية للعميل

لأن العميل قادر بكل بساطة يفرق بين البراند الحقيقي والبراند اللى غرضه يحقق ربح دون إضافة أى شئ للعميل.

2- الهدف، الرؤية والقيم:

 

لازم يكون فى هدف واضح للبراند موضحه للناس وبالفعل يكون شغال على الهدف دا.

براند بهدف واضح دايما أداؤه هيكون في تزايد

أما الرؤية فهى مدى التأثير اللى البراند عايز يعكسه على المجتمع، وضرورى يكون أعمال البراند متناسبة مع رؤيته، القيم هي مجموعة المبادئ والأخلاقيات اللى من خلالها بتقدر تنفذ رؤيتك

وأهدافك.

3- المنتجات والخدمات والتوصيل :

 

عمود الأساس لأي بيزنس هو المنتج او الخدمة اللى بيقدمها للناس

ضروري أن يكون بيرتقي لمستوي الأهداف والرؤية اللى بتنقلها للناس

ومن الطبيعي أن يتم توصيل دا بالطريق اللي تعبر عن مبادئ وقيم البراند.

4- مجتمع البراند :

 

مجتمع البراند مقصود بيها:

الناس اللى بتشتغل ورا البراند

واللى فعلا بيأدو دورهم بمنتهي المصداقية علشان كده يقدروا يعكسوا لرؤية والقيم للمجتمع الخارجي .

معجبين البراند ودول أكتر ناس ليهم ولاء للبراند وبتسوق ليه وممكن يجمعهم البراند عن طريق السوشيال ميديا.

5- السعر والجودة  :

 

السعر والجودة بيأثروا دايماَ على سمعة البراند إذا كان فعلا صادق فى رؤيته وقيَّمه أو لأ

سواء كان براند اقتصادي أو فاخر.

6- الاسم والشعار (NAME AND TAGLINE):

 

من أهم العناصر اللى تخلي البراند مسَّمع مع الناس

هو إن يكون له اسم واضح سهل و يمكن تداوله بين الناس واللى يكون مربوط بشعار(Tagline) البراند.

7- المحتوى (CONTENT):

 

من خلال المحتوي بتقدر إنك تحدد ملامح شخصية البراند من خلال اختيار طريقة  تواصلك مع العملاء brand tone of voice.

8- التصميم ( DESIGN):

 

تصميمات البراند أهميتها ما تقلش عن المحتوي (contentالـ(

من اختيار الألوان والأشكال اللى تتماشي مع تخصص البراند بما فيهم تصميم الشعار

اللى بيعبر للفرد عن تخصص الصناعة وكل ما كان سهل في توصيل المغزى كل ما كان أفضل.

9- خدمة العملاء :

 

الخبرة اللى بيكتسبها العميل أثناء الاحتكاك بالبراند بتاعك هي جزء كبير بيأثر على البراند،  لو فشلت في الجزء دا فد فشل كارثي مهما كان قوتك التسويقية ودا بيأثر على سمعة البراند

وهي أهم شئ لازم يحافظ عليه البراند لأنها بتنقل بين الناس أسرع من قوتك التسويقية.

لذلك لوعجبك مقالنا عن عمل علامة تجارية مميزة اعرف اكتر عن خدمات التسويق الي بنقدمها في أدفرتيزر

تابعنا على جروب سوشيال ميديا ناو على الفيس بوك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *