كتابة المحتوى التسويقي

1. اكتب كلام يبقى خاص بيك متكتبش قبل كدا توصف فيه منتجك بدقة ، زي مثلًا:

طاقتك لما تعلى هتحلى، حليها بكوكاكولا إنرچي!

2. وضح مميزات المُنتج ، اللي بتخدم العميل أو بتوفر له سبل الراحة والرفاهية ، زي:

اطمن طول ما معاك لادا جرانتا اوتوماتيك الجديدة علشان هي الوحيدة بالسعر ده اللي هتلاقي فيها ٢ وسادة هوائية وفرامل مانعة للانغلاق وكمان نظام التوزيع الالكتروني للفرملة لأن كل ده هيديك ويدي عيلتك أمان على الطريق.

3. حاول تقنع عملائك كويس بحيث انه مينتهيش من قراءة البوست إلا بعد مايكون خد قرار يخص منتجك

إما يشتريه، أو يوصي حد يشتريه، أو على الأقل يتابع الصفحة، وكلمه بصفة المخاطب ، زي هنا:

عرض رائع من شاومي ! 👌

موبايل Xiaomi Redmi Mi 9T بمساحة 128 جيجا ورامات 6 جيجا .. فقط بـ 5,799 جنيه !

شوف واشتري من هنا —

4. لازم تكون العبارات إبداعية وغير تقليدية

وابدأها بكلمة غريبة تشد انتباهه ، شوف دا كدا:

مفيش أحلى من برجر يوم الاجازة! أوبر إيتس هيجبهولك لحد عندك.

5. خلي الجمل قصيرة فيها شوية غموض ، زي:

منطق سويفل!

6. حاول توصل لعاطفة القارئ قبل عقله هتكسبه ، مثلًا:

فرّح طفلك النهارده بـ Happy Meal من ماكدونالدز بمناسبة يوم الطفل العالمي، وشوف الدنيا بعيونهم!

7. أكتب كلام بالبلدي كدا متعقدهاش احنا مصريين زي بعض وراعي بردو طبقة جمهورك ، بص هنا:

الحمـام المحمـر أكلـة أصحـاب المـزاج 👌

أم حسن .. طعم لا يعلي عليه

8. خلي الكلام بالمختصر المفيد مفيهوش لت كتير وتفاصيل مملة خلي التفاصيل بعدين ، مش زي دا خالص:

تسعد أوبر بالإعلان عن شراكتها الجديدة مع درايڤ، أول تطبيق لتأجير عربيتك مباشرةً في المنطقة! تقدر تأجر عربيتك النهاردة لشركاء أوبر المعتمدين من خلال تطبيق درايڤ و تزود دخلك! وعشان تِطَمن و تضمن سلامة عربيتك لما تأجرها، آكسا بتقدملك تأمين شامل على عربيتك.

9. قبل ما تكتب فكر كأنك المستهلك وايه الأسئلة اللي هتيجي في باله.

ماذا تقدم؟ أين؟ متى؟ لمن؟ كيف؟ لماذا؟

10. متكررش نفسك ولا تقارن نفسك بحد

زي احنا أحسن من فلان أحنا أهم منتج في السوق أتكلم عن المنتج بس وسيب الحكم للعميل ، زي الشركة الجامدة دي:

لو عجبك مقالنا عن كتابة المحتوى التسويقي اعرف اكتر عن خدماتنا للتسويق الالكتروني

تابعنا على جروب سوشيال ميديا ناو على الفيس بوك