• الموقع الرسمي لشركة أدفرتيزر للتسويق الإلكتروني
عمل بوست تفاعلي على الفيس بوك

كتير مننا بيحلم بمتابعين كثر على السوشيال ميديا سواء كان فيس بوك أو تويتر أو أنستجرام وغيرة، أكيد كنت في يوم من الأيام تتمنى متابعينك يبقوا مليون متابع مثلا، وبوستاتك تحقق التفاعل المطلوب من الجمهور

سواء كانت صورة شخصية أنت نزلتها أو بوستات عادية، من طموحك للوصول لعدد كبير من المتابعين ممكن تكون استخدمت برامج الغير مشروعه لجلب متابعين فيك مثلا أو تفاعلات وهمية

وبدون شك لو أنت مسوق فالمحتوى اللي هتقدمه للناس دا شيء أساسي لنجاحك ومتقدرش تستغنى عنه بأي شكل من الأشكال و هو دة اللي هيحققلك التفاعل اللي هيفيدك

فلو افترضنا أن التسويق الإلكتروني جسم إنسان، بالنسبة لي المحتوى اللي بتقدمه يعتبر القلب النابض؛ لأن المشترى أو العميل دائما أول شيء يشوفها المحتوى بتاع الإعلان على اختلافه طبعا من مكونات، فبالتالي دي عنصر جذب رئيسي لي، بكون صورة ذهنية عن السلعة أو المنتج من خلال المحتوى

ودائما لما بروح أكتب حاجة بحط نفسي مكان العميل وأقول لو أنا مكانه أحب يكون أيه موجود؟ أو أية اللي لو كان موجود في الحته ديه يفيدني ؟ في الأخر بكتب اللي بيهم الناس واللي حاسس أنه ممكن يفيدهم و دا بناء كمان على استطلاعات رأي عن اهتماماتهم.

فهنا أنت تعرف أن أول خطوات النجاح بالنسبة لك في التطبيق العملي لو ناوي تخش مجال التسويق الإلكتروني أو أنت بالفعل مسوق إلكتروني، هي كتابة المحتوى بصورة جيدة، بحيث يجذب متابعين و يزيد التفاعل، وبالتالي تزيد شهرة مبيعاتك تزيد.

طيب هنا السؤال المهم ازاي تقدر تكتب بوست تفاعلي على الفيس بوك خاصة و وسائل التواصل الإجتماعي بصورة عامة؟

في الحقيقية وبصورة بسيطة فيه عدد كتير من النصايح اللي من خلالها تقدر تكتب بوستات تفاعلية على السوشيال ميديا، وتساعدك توصل لريتش ممتاز جدا، مش كدة وبس دي كمان بتجيب لك ناس جدد وتفاعل كبير، متضيعش الفرصة من أيدك و اقرأ معانا المقالة دي هتفيدك جدا.

1- أستخدم الصور المربعة بأبعاد 1000 X 1000

أول نصيحة بنقدمها ليك أنك تستخدم الصور المربعة بأبعاد معينة، طب أية الأبعاد اللي هتنفعني؟

أفضل الأبعاد اللي هتفيدك لو  استخدمتها هي 1000 1000 x.

مش كدة وبس لازم  تكون فيها تصميم ملفت وصور  ملفتة أكتر من النص، طب دا ليه؟

ببساطة شديدة دا عشان نراعي  أن المستخدم بينتقل من بوست للتاني بسرعة،  ولأن أول شيء يلفت  ويجذب انتباه المستخدم للبوست هو الصور و التصميمات المختلفة.

فهنا نقطة مهمة جدا زي ما قولنا لازم تاخد بالك منها، وهي سرعة التنقل بين البوستات، فعشان كدة تراعي النقطة دي، بتقديم تصميمات جذابة وملفته.

2- حاول متزودش في نص البوست عن 3 سطور

أنا عن نفسي مش بحب البوستات الطويلة، إلا في حالات قليله جدا، كذلك أغلب الناس مش بتحب البوستات الطويلة، كتير لما بيكون فيه بوست طويل بحب اقرأ التعليقات على البوست، فيلاحظ أن أغلب الناس بتقول انها مش بحب البوستات الطويلة و في ناس كمان بتحفظ البوست عشان تقرأ بعدين، مش بس الناس العادية كمان لا كمان في ناس متخصصه في مجالات معينة مش بتحب البوستات الطويلة.

فعلشان يتقري أكتر لأن أغلب مستخدمين الفيس بوك مش بيحبوا البوستات الطويلة و بيملوا منها بسرعة و مش بيكملها قلل عدد كلمات البوست بشكل كبير، مثلا خليه 3 سطور، وهنا لا تهمل في الكلام المكتوب داخل البست، لازم تختار كل كلمة بعناية وحرص شديد.

كمان ضيف رابط للمنتج واتأكد ان صورة الرابط مناسبة للنص أو الخدمة اللي بتتكلم عنها في البوست علشان تظهر للمستخدم بشكل أوضح.

3- كتر من الإيموشنز علشان توصل للجمهور رسالتك بطريقة سريعة وسهلة والألوان اللي فيها بتلفت الانتباه أسرع

كتر من الايموشن علشان توصل للجمهور رسالتك بطريقة سريعة وسهلة والألوان اللي فيها بتلفت الانتباه أسرع

لكن بدون ما تسرف في  استخدام الإيموشن؛ لأنه ممكن يجيب نتيجة عكسية و بحيث  ميغطيش على الرسالة اللي عايز توصلها للجمهور و عشان ميعملش تشتيت انتباه.

أنت بتلاحظ أن المصريين مهتمين جدا بالأيموشنات والرموز التعبيرية، وافتكر من فترة قريبة جدا كان في تحديث جديد للفيسبوك نزل ريأكت جديد هو شكل الوش وحاضن قلب اللي هو أدعمه

كان تريند عند المصريين،  عملوا عليه ميمز وكوميكسات كثيرة جدا، فلو مش بتستخدم الايموشن في البوستات اللي بتقدمها، بنصحك تبدأ تستخدمها في بوستاتك

لأن ليها تأثير نفسي على المشاهد، لكن زي ما قلت وبكرر تستخدم الإيموشن بشكل معتدل دون إسراف أو تبذير؛ عشان متقلبش معاك بنتائج عكسية.

4- أستخدم في البوست ميزة المشاعر الموجودة في النافذة بتاعت البوست

منها بتقدر تختار ما بين 13 حالة شعورية  مختلفة من خلالها هتقدر توصل الرسالة اللي انت عاملها للمستخدم  اللي يتابعك بطريقة بسيطة وسهلة ومفهومة من غير تعقيد

5- ممكن كمان تضيف في النص بتاعك أمر سريع للمستخدم عشان تسهل عليه المهمة

لازم تفكر بشكل كريتف عشان تسهل عملية التواصل و التفاعل مع المشترى أو العميل، ومن النقطة دي شيء

اساسي لازم تعمله أنك تبدأ تضيف في النص اللي

انت بتقدمه أمر سريع للمستخدم؛ بحيث تسهل عليه المهمة في التعامل معاك، وهو أساسا لو لقي الأمور عندك مضبوطة وتمام وساهله هيرجعلك تاني بدون شك، فخليك دائما حريص على حاجة زي دي تضيفها في بوستاتك.

طيب أيه اللي ممكن أضيفه في النص بتاعي يسهل على العميل المهمه بتاعته؟

في حاجات كتير أنت ممكن تضيفها في البوست بتاعك، زي أتصل بينا دلوقتي أو رد علينا بكومنت أو ابعت لنا على رسائل الصفحة أو حتى أعمل save للبوست و أرجع له بعدين

ودا هيفيدك جدا أن المستخدم ممكن يرجع للبوست بتاعك كل ما الفيسبوك يفكره بالبوستات المحفوظة عنده.

6- طبعا لازم تعرف الأوقات اللي متاح فيها متابعينك

بحيث البوست مينزلش في وقت يكون التفاعل فيه قليل و عشان البوست يوصل لأكبر عدد ممكن من الناس وده هتعرفه من الخدمة اللي بتقدمها مهتم بيها أي نوع من الجمهور

هل الستات ولا الرجالة ولا أطفال ولا شباب بيشتغلوا ولا لأ طيب لو بيشتغلوا بيشتغلوا ايه؟ وهكذا…

ممكن تكتب في التعليقات إيه الخدمة اللي بتقدمها أو المنتج اللي حابب تكتب عنه بوست على الفيسبوك وأنا هحاول أساعدك أي نوع من الجمهور مهتم بمنتجك وإمتى أكثر الأوقات اللي بيبقى متاح فيها.

في موقع إحصائيات جميلة جدا ممكن تلجأ إليها وهتساعدك في الأمر دا، زي مثلا موقع We are social.

وغيرها من المواقع التانية اللي ممكن تلجأ لها.

دي 6 نصائح  أساسية بتساعدك على كتابة بوستات تفاعليه على الفيسبوك خاصة والسوشيال ميديا عامة.

طيب أيه ممكن أقدر أفيدك بيه في النقطة دي تاني؟

  • شارك البوستات اللي بتنشرها في الجروبات

اللي فيها أعداد كبيرة و الجروبات اللي بتهتم بالتخصص اللي أنت منزل عنه و دا بيزود التفاعل بدرجة كبيرة و كمان بيضيف لك متابعين جداد وكمان ممكن تقول للناس اللي بتابعك تشارك المنشورات بتاعتك على الصفحات بتاعتهم و على الجروبات كمان ودا هيجيب لك متابعين جداد و يزيد من درجة رؤية المنشور بتاعك

  •  ممكن تنزل استفتاء على صفحتك

تسأل المتابعين  بتوعك أيه اللي عايزينه عشان تقدمه ليهم الفترة الجاية ، ودا من خلاله هتقدر تعرف أغلب اللي يتابعونك ايه ميولهم و ايه أبرز الاهتمامات بتاعتهم؟

 و دا بيزود التفاعل معاك في البوست لما تنزله و كمان في باقي البوستات التانية  اللي هتنزلها وفقا للاهتمامات بتاعتهم

ممكن تكتب في التعليقات إيه الخدمة اللي بتقدمها أو المنتج اللي أنت حابب تكتب عنه بوست على الفيسبوك وأنا هحاول اساعدك بس ياريت تقول لنا ايه نوع من الجمهور مهتم بمنتجك و إمتى أكثر الأوقات اللي بيبقى متاح فيها.

اعرف اكتر عن خدمات التسويق الالكتروني و السوشيال ميديا التي نقدمها

تابعنا على جروب سوشيال ميديا ناو على فيس بوك

كتب بواسطة: محمد شداد

آراء عملائنا

تعليقات عملائنا
يقولون أننا قمنا بعمل رائع!

اتصل بنا الآن

اتصل بنا الأن واحصل علي استشارة تسويقية مجانية

ادفيرتيزر خطوتك الأولي علي طريق النجاح

#

بعض من عملائنا المميزين