قبل عمل اعلان ممول على الفيس بوك , يجب معرفة ان فيس بوك من أهم المنصات اللي تقدر تستثمر فيها وقتك وفلوسك وتقدر كمان تتحكم بشكل إبداعي في استهداف
الجمهور بتاعك وفي نفس الوقت التكلفة نفسها مش عالية، كمان تقدر تعمل حملة واحدة للفيس بوك وإنستجرام في وقت واحد.
من أكبر أهداف الفيس بوك أنه بيحط المحتوى للجمهور المستهدف مش يخلي الجمهور هوا اللي يدور عليك.
عمل اعلان ممول على الفيس بوك
أول حاجة : لازم أحدد هدفي من الإعلان الممول اللي هعمله
فممكن ننقسم دا لـ 3 مراحل:
أول مرحلة هي الوعي ومعرفة الناس بالبراند بتاعك awareness
هل أنا عايز أزود المعرفة باللي بقدمه من منتجات وغيره brand awareness
لو الصفحة بتاعتك عدد الفانز فيها لسه صغير فتقدر تكبره بـ increase your reach
تاني مرحلة عايز الناس ياخدوا خطوة في تفاعلهم معايا consideration
اني اخليهم يملوا فورم معين أو يسيبوا إيميلهم الخاص يبقى أختار lead generation
هل انا هعمله عشان ازود التفاعل ودا اللي بنسميه Increase engagement
لو شايف إنك محتاج تزود عدد المشاهدات على فيديو معين هتعمل video views
ازود دخلوهم مثلا ع الموقع بتاعي traffic
مثلا ينزلوا ابليكشين يعملوله داونلود install your app
تالت مرحلة وهيا اني بخليهم اخر مرحلة هيشتروا المنتج اسمها conversion
ينزلوا من البيت يزوروا المكان بتاعك store traffic
لو أنا عامل عروض وعايز أوصل لعدد أكبر بعمل catalog sales
تاني حاجة : بعد تحديد هدفي من الإعلان لازم أحدد هتارجت مين من الجمهور بالظبط بحيث تركز أكتر على مين اللي عايز يوصله الإعلان عشان يوصل اسرع.
هتارجت الجمهور على حسب مكانهم عايز ناس تكون من المعادي أو من الزمالك مثلا وهكذا.
على حسب العمر ناس مراهقين ولا ناس شباب ولا كبار كمان نساء ولا رجال
ممكن كمان على حسب التعليم على حسب الماديات.
كمان أقدر أعتمد على سلوكهم ناس بتحب تشتري اونلاين ولا بيفضلوا الاوف لاين، كمان أنا ممكن احددهم على حسب عملهم.
والاهتمامات يعني ناس بتحب القراءة بتحب الفن بتحب اللبس بتحب الكورة بتحب تشتري كتير وعلى هذا المنوال.
ثالث حاجة : خلاص حددت الجمهور بتاعي , ابدأ اشوف الـ Budget اللي معايا قد ايه و هتمشيني ازاي ؟
هدفع كل يوم ولا اسيب فيس بوك يسحب لحد مالـ Budget تخلص
رابع حاجة : بعد كدا اقدر احدد عايز الإعلان يظهر ف شكل أيه صورة فيديو واظهر علامة اللايك مثلا بحيث تسهل على الناس يعملوا لايك على طول
لو عجبتك مقالتنا عن عمل اعلان ممول على الفيس بوك
اعرف اكتر عن خدمات التسويق الإلكتروني في شركة أدفرتيزر
و تابعنا على جروب سوشيال ميديا ناو على الفيس بوك