٥ أخطاء تدمر أي حملة تسويق الكتروني تعرف عليها
لو انت بجد مهتم بنجاح حملتك التسويقية وعايز كل مليم فيها يكون موجه للسكة الصح، تعرف معانا علي الـ ٥ أخطاء اللي ممكن تدمر حملتك وتضيع ميزانية تسويقك
على الفاضي وتابعها و انت شغال مع اي شركة تسويق الكتروني :
١-الدفع بدلا من الجذب
زمان كان التسويق بيعتمد على توفير المنتج في الأسواق ودفع الناس لشرائه. فكانت العبارات التسويقية بسيطة مثلا: اشتري كذا، او كذا الأحلى والأحسن اشتريه الآن. لكن
دلوقت، وفي عصر الانترنت، من السهل علي العميل البحث عن الشركة ومنتجتها وكل حاجه عنها. فالعميل النها ردة عايز حاجه تناسب احتياجاته الشخصية. وعشان كدة
لازم دراسة شخصية العملاء بناء على الواقع مش تصور الشركة للعميل. ومن خلال فهم ودراسة طموحات ومتطلبات العملاء حتقدر الشركة تجذبهم للشراء من خلال
تلبية الطموحات والمتطلبات دي.
٢-الفشل في عمل محتوي جذاب
عدم الوقوع في أخطاء الدفع بدلا من الجذب بيتطلب محتوي ابداعي حقيقي اصلي ومميز. بمعني أن عشان تجذب العميل للمنتج، لازم يكون المحتوي الي هتعرض بيه
المنتج في حد ذاته جذاب بيوضح فوايد تسويق إلكتروني المنتج للعميل مش مجرد مميزاته. وكمان لازم مايكونش مليان عروض تسويقية تغطي علية.
وعشان المحتوي يكون جيد لازم في كل مرحلة من كتابته او صنعته تكون متطلبات العميل علي البال، لأن من غيرها مش هيوصل المحتوي لهدفه الي هو جذب العميل
للمنتج عن طريق تلبية طموحاته. واخر حاجة متنساش الـ CTA (Call to action) والي من غيره التفاعل علي المنتج مش هيتم بالشكل الصحيح.
٣-عدم وضع اهداف واضحة
عدم التخطيط هو تخطيط في حد ذاته، ولكن للفشل. فلو مش عايز حملتك التسويقية تفشل لازم تحطلها اهداف محددة من البداية. لان من غير الأهداف دي مش هتقدر حتي
لذلك تقيس نجاح الحملة. كمان من غير الأهداف والخطة مش هتقدر تعرف مناطق حملتك اللي محتاجة دعم او تغيير في الاستراتيجية. تسويق الكتروني
٤-اهمال المتابعة
حملتك التسويقية مش هتدير نفسها. فمن غير المتابعة المستمرة هيكون مصير الحملة الفشل. وعشان كدة لازم ديما مع أي حملة تسويقية يكون في متابعة للتحليلات والنتائج
اول بأول عشان ميكونش في هدر للموارد في أماكن نتائجها مش جيدة. ومتنساش اوعي تفترض قبل ما تختبر وتدرس السوق.
المتابعه ليه ميزه مهمه كمان انها بتساعدك علي المدي البعيد في وضع ميزانية محدده ومعرفه افضل المنصات المناسبه اكثر لعرض منتجك
٥-اتباع كل الترندات
لذلك قبل ما تركب موجة او Trend جديد لازم تدرسه كويس وتعرف ايه الفايدة لمنتجك وشركتك. الترند مش بس بيكون تعليقات جديدة في المجتمع، لا دي ممكن كمان
تكون برامج Software، تكنولوجيا، او منصة تواصل جديدة. المهم أنك تفكر شكل شركتك ومنتجك هيكون زاي علي الصيحة الجديدة .
كمان لازم تعرف شروط واحكام المنصة اللي هتعرض عليها عشان متتسبش في أي مشاكل مع المنصة او التكنولوجيا المستخدمة. اللي في الغالب أي مشاكل معاها بتنتهي
بمنع الاستخدام أو حذف حملتك من على المنصة.
بعد ما عرفت الأخطاء الـ ٥ قولنا في التعليقات لو فيه حاجة تانية ممكن تتسبب في فشل الحملة التسويقية؟