• الموقع الرسمي لشركة أدفرتيزر للتسويق الإلكتروني
زيادة لايك صفحة الفيس بوك

ازاي ازود لايكات صفحة على فيس بوك ؟

طيب إمتى تزود عدد اللايكات على صفحة فيس بوك ؟

لما يكون عندك مساحة من الوقت تكون صوت معين، محتوى ممتاز، خطة تسويقية كويسة.

التسويق بطريقة طبيعية على السوشيال ميديا بيشمل: المحتوى، الفيديو، الإنفوجرافيك، الصور.

وأحيانا يكون عمل إعلانات لتزويد اللايكات على فيس بوك اختيار صحيح، خاصة لما تكون مسوق؛ لأنك من خلال عدد اللايكات الكبير لصفحتك على الــ فيس بوك بتبني جسر ثقة بينك وبين العملاء والمتابعين.

أغلب مستخدمين الــ فيس بوك لما بيلاقوا صفحة إعلانية بها متابعين كثير بالإضافة إلأى عدد كبير من اللايكات على البوستات؛ حتى لو هو مش مهتم بالمنتج، الفضول هيدفعه عشان يشوف الصفحة ويتابع باقي الإعلانات، ويفضل يقلب بين البوستات.

فهنا يتضح أن في أهمية كبيرة لتزويد صفحتك على الــ فيس بوك بلايكات كتيره، فبقدم لك نصيحة هنا أنك متسبش أي فرصة لتزويد عدد لايكات الصفحة بتاعتك على الــ فيس بوك، إلا وتستغلها كويس جدا. 

طيب هنا سؤال مهم جدا أمتى استخدم إعلانات الــ فيس بوك ؟

ابدأ استخدام إعلانات الــ فيس بوك عندما يكون متاح الأتي:

ميزانية معينة لحملة إعلانية على فيس بوك.

وجود الحاجة الشديدة إلى النمو السريع.

محتاج تتعرف بالبراند بتاعك.

حملة لمنتج جديد.

امتى تبقى تزود لايكات الصفحة بتاعتك بطريقة طبيعية بدون إعلانات؟

ابدأ أزود لايكات الصفحة بتاعتي بطريقة طبيعية عندي بون إعلانات، لما يبقى عندك مساحة من الوقت كويسة عشان الوصول أو الريتش للناس ياخد وقته زي:

صاحب فويس أو تون معينة

المحتوى إبداعي

خطة تسويق كويسة

مش بس كدة، لا كمان لما تبقى بتنشر محتوى جذاب وباستمرار الفيس بوك هيساعدك في الظهور لجمهورك أسرع ودي طريقة نمو طبيعية، تقدر تعمل انفيت أو دعوة للناس اللي بتعمل شير لبوستات صفحتك بحيث يعملوا لايك للصفحة نفسا ويبدأوا يتابعوك.

طيب أية الطرق المجانية أو الطبيعية للوصول لأكبر عدد من الجمهور مازالت موجودة حتى مع وجود إعلانات الفيس بوك؟

طرق تزويد اللايكات الطبيعة بتبقى عن طريق التسويق عن طريق المحتوى:

محتوى اللي موجود على المدونات

كتب إلكترونية

مواقع أو صفح بيعية

صور

إنفوجرافيك

فيديوهات

الفيديوهات المباشرة

ازاي بقا تزود عدد اللايكات على صفحتك على فيسبوك

1- خليك صاحب فويس أو صوت مميز بشكل متكرر ومستمر. 

أول حاجة لازم أكون صاحب صوت متميز؛ وعلى سبيل الدقة لو أنت عندك مشكلة في قصة الصوت دي، أو صوتك مش كويس، حل المشكلة دي بسيط جدا، طيب احلها إزاي؟

بص يا سيدي تستعين بواحد فويس أوفر كويس، و دا أنت بتقيمه على أساس أنه بيخليك تشوف نماذج لأعماله السابقة؛ فبناء على الجودة والجذب والإبداع في الإلقاء أنت بتختار الفويس أوفر.

طيب إزاي الصوت المتميز بيساعدني في تزويد عدد لايكات لصفحتي؟

ممكن يساعدني في مواقف كتير جدا، ممكن مثلا يساعدني في فيديوهات البث المباشر، ممكن كمان يساعدني في الإعلانات المصرة اللي بتتعرض على الــ فيس بوك، ممكن يساعدني في حاجات كتيرة جدا

اللي من خلالها بيجذبني أنا كعميل لمتابعة الإعلان لآخره، حتى لو كنت مش هشترى حاجة.

2- اعمل محتوى يكون كويس ويشد الناس.

بدون فكرة مفيش إعلان، بدون محتوى مفيش إعلان.

أول حاجة عشان تقدم إعلان معين بتختار الفكرة بتاعت الإعلان، فكذا سؤال لازم تجاوب عليهم قبل ما تدخل في الإعلان،  أنت هتعمل إعلان عن أية؟ طيب المحتوى هيكون عن أيه؟

طيب إزاي أقدر أكتب محتوى كويس يناسب الناس كلها مع مختلف أعمارها إن كانت الخدمة اللي بتقدمها عامة؟

في كذا اعتبارات مهمة و أنت بتعد المحتوى بتاعك، مثلا المحتوى الكتابي لا  يتجاوز 3 سطر في الــ بوست بتاعك، كمان الصور لا تهملها فاستخدم عدد كتير من الصور اللي بتجذب الناس، و تأخد عندك في اعتبارات كتير في الصور، أول اعتبار متحطش الصورة بدون هدف.

يعني أيه محطش الصورة بدون هدف؟ ببساطة شديدة يعني كل صورة تحطها، وأنت في هدف من وراء الصورة ورسالة معينة عايز توصلها للجمهور، فيعني تركز على النقاط البيعية في المنتج ومميزاته وتوزعها على الصور.

3- اعمل دعوة للناس اللي بتعمل لايك على بوستاتك تعمل لايك على الصفحة الرئيسية.

من الطرق الرائعة لزيادة عدد اللايكات لصفحتك هو عمل دعوة للناس اللي بتعمل لايك لبوست معين مكنتش معجبة بالصفحة لكن عملت لايك على بوست معين.

و دا إزاي؟

أنا مثلا معجب بصفحة شركة أدفرتيزر على الــ فيس بوك، فــ هما كانوا ناشرين بوست عجبني، فأنا قمت عامل لايك للبوست وبعد كده عملت شير للبوست على صفحتي الشخصية، أنا عندي أصدقاء في منهم اللي شاف الشير وعجبه البوست  فدخل عليه وعمل لايك للبوست بس

لكن معملش لايك للصفحة، دا بيقوم أدمن صفحة الــ فيس بوك بتاعت أدفرتيزر على الــ فيس بوك بدعوة الشخص دا عشان يعمل إعجاب ويتابع الصفحة.

طيب إزاي أنا كأدمن صفحة على فيس بوك أعرف دا عمل  إعجاب للصفحة ولا لا؟

في التحديث الجديد بتاع  فيس بوك بيجي في الإشعارات قام مثلا فلان الفلاني بالإعجاب بالمنشور الخاص بك كذا كذا، قم بدعوته الأن للإعجاب بصفحتك ليتابع كل ما هو جديد.

هنا أنا بعد ما أضغط على الإشعار دا، فيس بوك بيقدم لي خيارين ممكن اختار ما بينهم، الخيار الأول إني ممكن أعمل عدوة الكل بضغطة وحدة على الإقونة اللي هتظهر

والخيار الثاني إني ممكن أعمل دعوة فردية لكل شخص من خلال الأيقونة اللي هتظهر جنب اسم الأكونت، وفي النهاية المحصلة وحدة سواء اخترت الخيار الأول أو الثاني، فبعد ما أضغط على كلمة دعوة أو دعوة الكل، بيوصل إشعار للناس دي أنه قامت صفحة كذا بدعوتك لتسجيل الإعجاب بها.

والميزة دي جميلة جدا، حاول تستغلها بشكل كويس ومممتاز جدا.

4- سيب موظفيك يعلوا التفاعل في التعليق والرد على البوستات.

بنبه مرة واتنين وتلاته متسبش متابعينك ومعجبين الصفحة بتاعتك يتكلموا في الهواء، رأس مال السوشيال ميديا يا جماعة التواصل التفاعل.

أنت كموسوق صاحي صفحة على فيس بوك، بدون شك عتلاقي تعليقات كتيرة وفي اللي بيبعت رسائل برايفت بيسأل عن حاجة أو بيستفسر، فأغلب التعليقات والرسائل اللي على الخاص دي بيكون استفسارات، مش معقوله مترودش على الإستفسارات أو الأسئلة والطلبات اللي بتجيلك دي.

عملية الرد والتواصل دي ليها مكاسب كبيرة جدا جدا، يمكن أكبر مكسب من وجهة نظري نتفق أو نختلف، أحترام للمتابع أو العميل، أنا بحس أن صاحب الرسالة بيحترمني ويقدرني وبيتعامل معي بأسلوب كويس

فحتى ل أنا مكسل مثلا أو عندي لا مبالاه لتكرار السؤال، الرد والإهتمام دا بيشجعني أكتر وأكتر على الحاجة، فببساطة شديده دي كمان ميزة طريقة متستغناش عنها سواء كنت أنت بتدير صفحتك على فيس بوك أو موظف حد فيها بيديرها ليك.

5.  اطلع لايف على فيسبوك دا بيعلي الريتش Reach جدا وبيزود التفاعل.  

اللايفات وفيديوهات البث المباشر مهمة جدا يا جماعة في زيادة وصول الصفحة، وكمان زيادة التفاعل.

أغلبنا عنده فضول لما يلاقي حد منزل فيديو بث مباشر عايز يشفه هيقول أيه وأيه الموضوع اللي بيتكلم فيه،

متى أطلع في فيديو بث مباشر؟

في كذا موقف يستحقوا أنك تطلع فيهم فيديوهات بث مباشر، أبرزها في كواليس تصوير إعلانك اللي هيتعرض مثلا سواء كان هيتعرض على منصة فيس بوك أو التلفزيون أ أي مكان تاني، دا مش بس هيزود لك التفاعل ويعلي الريتش أو الوصول

لا كمان دا بخلق حالة من الفضول والتشويق والإثارة للمتابعين ومعجبين صفحتك عشان يستنوا عرض الإعلان بتاعك، فأنت مستفيد من كل الأنحاء في فيديوهات البث المباشر.

6- اعمل بوستات بشكل مجدول يبقى معروف انت مثلاً بتبوست كل يوم خميس وهكذا. 

من الطرق المهمة جدا كمان في زيادة عدد لايكات صفحتك على فيس بوك جدولة منشوراتك، وخلي بالك هنا متخترش يوم عشوائي عشان تنزل فيه منشوراتك، لا اختار اكثر الأيام تفاعلعلى فيس بوك

وإحنا عندنا في مصر الإحصائيات من الجرائد الحكومية وكمان موقع we are social بتقول أن أوقت الذروة في مصر بتتمثل في وقت الاجازات اللي هو من الخميس باللي لحد الجمعة بالليل

كمان متنشرش البوستات في الصباح؛ لأن أغلب الناس بتكون نائمة، يفضل تنشرها في الفترة من بعد العصر دي وخاصة فترة بعد العشاء دي.  

وفي الحقيقة في طرق كتير تاني أنت ممكن تستفيد منها زي

7- اعمل جيفواي Giveaways بحيث تجيبلك متابعين جدد.

8- انشر محتواك في جروبات بحيث تبني لنفسك جروب.

9- اعمل فيسبوك جروب للمتابعين بتوعك.

10- سوق للبراند بتاعك عن طريق الفلاير اللي بتتعلق على أرض الواقع.

11- شارك مؤسسات خيرية وهكذا بحيث تضيفلك متابعين جدد ومعرفة بالبراند بتاعك.

وعشان تعرف كل دا ممكن ترجع لمقالات المدونة بتاعتنا على الانترنت، هتلاقي فيها كل حاجة متعلقة بالتسويق الإلكترني.

المصدر: http://socialmediapro.com/blog/increase-facebook-likes/

اعرف اكتر عن خدمات التسويق الالكتروني اللي بنقدمها

كتب بواسطة : محمد شداد

آراء عملائنا

تعليقات عملائنا
يقولون أننا قمنا بعمل رائع!

اتصل بنا الآن

اتصل بنا الأن واحصل علي استشارة تسويقية مجانية

ادفيرتيزر خطوتك الأولي علي طريق النجاح

#

بعض من عملائنا المميزين