٧ طرق تجعل صفحة الهبوط (landing page) الخاصة بك أكثر فاعلية و تعمل نتائج أفضل لإعلاناتك اعرفها الان مع شركة أدفرتيزر – شركة تسويق الكتروني
مصرية
أولاً ايه هي صفحة الهبوط او ال Landing page ؟
صفحة الهبوط هي الصفحة الي هستقبل عليها العملاء اللي ضغطوا علي اعلانك سواء كان الإعلان ده علي جوجل , فيسبوك او أي منصة تسويق الكتروني تانية . وبيكون
الهدف الرئيسي من هذه الصفحة هو الحصول علي رد فعل مباشر من العميل ، زي شراء المنتج او الاتصال بالشركة.
من هنا صفحة الهبوط مهمة جداً لكل حملات التسويق الالكتروني على النت وعشان كده في المقال ده هنقولك اهم النصائح المفيدة الي هتخلي صفحه الهبوط الخاصة بيك
تكسر الدنيا.
١-الشكل العام
الشكل العام لصفحتك لازم يكون :
سهل – بسيط – واضح
يعني العميل يسهل عليه فهم المطلوب منه اللي هو الاشتراك او الشراء. فلو رسالتك مش واضحة صفحه الهبوط بتعتك هتفشل. الاختيارات الكتير كمان بتكون سبب رئيسي
في حيره العميل ووصوله لاماكن انت مش عايزها ، فممكن العميل يضغط على سيرة الشركة مثلا او فريق العمل بدل من الاشتراك والشراء واللي هو الغاية الرئيسية من
لذلك صفحه الهبوط. الخلاصة كل الي انت محتاجة في صفحه الهبوط وصف سهل وجذاب لمنتجك و زر كبير فيه الاشتراك او الشراء او نوع التفاعل اللي انت عايزه.
٢-التحفيز
وسيله سهله لتحفيز العميل تجاه منتجك ، هي عمل أسئلة بسيطة لعميل. فممكن تبدأ بسؤال العميل عن جنسه ،إذا كان رجل او ست. بعدين بيناته الشخصية الأخرى، زي
سنه عمله سكنه الخ. وأخيرا، متطلباته من حيث منتجك، يعني لو بتقدم خدمه تخسيس العميل عايز وزنه كام مثلا. كل ده هيسعدك على حجتين مهمين جدا؛ أولا، إنك تشعر
العميل بان دية تجربه خاصه (حاجه معموله له خصيصا) وده بيحفزه بشكل كبير. ِثانيا، أنك تعمل قاعده بينات عملاء محتملين واللي هيسعدك في التسويق بشكل اسرع بعد
كده.
٣- استخدم رسائل الخروج Exit Popups
اكدت الدراسات ان في كل ١٠ اشخاص بيشوفوا الإعلان، ٣ بس هما الي بيشتروا. بس ده لا يعني ان ال٧ اللي مشتروش مش هيفيدوك، لان مع رسائل الخروج (Exit
Popups) هتقدر تستفيد من اللي حتي مش هيشتري . ودا من خلال انك تسأل العميل ، في رساله تظهر له قبل ما يقفل صفحتك ، عن رائيه في جوده منتجك بالنسبة
لسعره او للمنافسين. فحاجه زي رسائل الخروج اكيد هتساعدك في تطوير منتجك او خدماتك وكمان قاعده بيناتك.
٤- استخدم بينات الموقع الجغرافي
كتير من المواقع النهار ده بتستغل تقنيه أي بي الجغرافي Geo IP لان ده بيحفز العملاء تجاه الخدمة من خلال إحساس القرب. مثال علي كده إعلانات موقع وظف. فلو
العميل موجود في القاهرة فيعلن له عن وجود ٣٠،٠٠٠ وظيفة خاليه بالقاهرة. ولو في محافظه تانيه هيظهر له عدد الوظائف الخالية في محافظته وهكذا. ده كمان ممكن
يتزامن مع اللغة فتظهر لغة الصفحة وعمله الشراء علي حسب موقع او بلد العميل.
وأخيرا لمعلوماتك التجارب اكدت ان التقنية دي بتساعد نجاح مبيعات صفحه الهبوط بنسبه ١٥٪.
٥- العروض والخصومات
قبل عمليه الشراء ، تقديم عروض او باقات مخفضة بيساعد جدا في تحقيق اهداف صفحه الهبوط . خصوصا لما تكون الباقات مرتبه وفيها خصم كبير وشراءها عمليه
أتوماتيكية . تذكر ان لكلمه خصم ٥٠٪ مفعول السحر والتوجيه الأتوماتيكي والتلخيص لشراء بيخلي العميل يشتري وهو تقريبا مغمض.
٦– صعب عليهم عملة الشراء
ايوه انت قرأت صح!! بس ده كده وكده . فهنا هتخلي منتجك السهل الممتنع وده يزيد من رغبه العميل في المنتج او الخدمة المعروضة علي صفحه الهبوط.
لذلك الموضوع ده ممكن تحققه من خلال عمل استجواب او اختبار للعميل وكأن المنتج بتاعك موجه لأشخاص او فئة محدده وفي كل الحالات يكون العميل مناسب لشراء
منتجك.
٧– نمي عندهم إحساس الفضول او الخوف
طبعا العنوان ثم العنوان ثم العنوان . هو اللي بيجذب في الأساس العميل لمنتجك بخيليه عايز يعرف اكتر من خلال صفحة الهبوط. العناوين السلبية ، الارقام وخصوصا
الفردية ، الكلمات الي بتحمل معني واحد، و العبارات القوية. كمان متنساش تختصر، فيفضل يكون عنوانك من ٦ كلمات مش اكتر.
في أسلوب ثاني زي استخدام تقنيه أي بي الجغرافي بيكون الهدف من اشعار العميل بنوع من الخوف علي بيناته، النوع ده في الغالب ه بيستخدم من قبل شركات الحماية من
الفيروسات والهكر. فممكن من خلال اعلانك توضح للعميل بينات تعرفها عن مثل المتصفح اللي بيستخدمه مثلا وتشير له ان بيناته الشخصيه قد تكون في خطر او بمعني
اخر زي ما احنا عرفنا عنك كذا غيرنا يقدر ثم تقدم برنامج الحماية. بالتأكيد العميل بدافع الخوف هيشتري فورا
ودلوقتي تقدر تعمل صفحة الهبوط اكثر فعالية